Wednesday, November 14, 2012

A Series of Unfortunate Events

علاقتي مع ابوي عبارة عن اوامر و عصيان. أهو عبالة إني ياهل يقدر يتحكم فيها و أنا قاعد أمارس حقي كإنسانة عاقلة بإني ما أسمع اللي يقوله و لا أنفذة. ممكن تقولون إنا اثنينة غسلنا إيدنا من بعض بس للحين لازم نتعايش. أو يمكن أنا بس اللي ما اقدر استحملة و أهو ما يبي يهد دور "سي سيد"؟ مادري المهم أنا لازم أبدا هالبوست بأي شكل و أهوا ساعدني إني أبدا.
 
أبوي مثل معظم الرياييل الكويتيين اللي في عمرة, ما يؤمن بالمشاكل النفسية. أبوي للأسف بعد ما يؤمن بالحرية الشخصية. و مدام قاعد نتكلم بصفاتة, أبوي مؤمن بإنة طول ما الشخص يشيل إسمة لة الحق بإنة يتحكم بكل حركاتة و حتى أعتقد مشاعرة لو يقدر. عقب هالنبذة الشوي كئيبة عن أبوي أقدر أدش في موضوعي ألحين. 

للأسف بطريقة ما أبوي عرف إني أراجع طبيب نفسي عشان أعالج من الكآبة و مثل ما أهو متوقع ردة فعلة كانت عنيفة. ما عمري توقعت إنة ياخذني بالأحضان و يوعدني إنة كل شي راح يتغير, بس بلحظة أمل مو بمكانها توقعت إنة راح يخليني أسوي إللي يريحني. بس مرة  ثانية راح أذكركم إني قاعد أتحجة عن أبوي هني! ردة فعلة كانت إنة إتهمني إني قاعد أألف و إنة ماكو شي يسبب الإكتآب في البيت. ذكرني إني أهوا أبوي و إني لازم أستأذنة بكل حركة أسويها. قاللي إنة إللي قاعد أسوي غلط و محد أذنلي إني أروح أستشير دكتور.  أنا يمكن قاعد أتحجة عن أبوي بس هذي ردة فعل وايد أبهات و أمهات و أخوان و خوات.

مشكلتنا عايشين في مجتمع ما يتسامح مع المتطلبات العاطفية حق الشخص. ممكن الإنسان يعيش طول حياتة يعاني من مرض نفسي بدون ما يعرف أو يقدر يساعد نفسة.  مجتمعنا مو مثالي. اللي قاعد يصير في مو صح. محد يقدر يغيرة إللا إحنا.

مشكلتنا ماعندنة وعي. ما عندنا أحد يقولنا إنا المشاكل النفسية مو عيب. إنها نتيجة طبيعية للضغوطات اليومية. ما عندنا مجموعات مساعدة أو سوبورت قروبس عشان نتناقش باللي متعب نفسياتنا. مستشفانا الحكومي الوحيد المتخصص بالعلاج النفسي يتجة أكثر للمداواة بالأدوية على حساب الجلسات العلاجية. الدكاترة النفسيين في العيادات الخاصة  أسعارهم مو منطقية و توصل الجلسة الوحدة 100 دينار! 

يمكن وايد أشياء يبيلها تغيير بس بعد نقدر نساعد بعض. قاعد أحاول أبدا موقع متخصص بالأمراض النفسية. راح أحاول أكلم مختصين نفسيين يساعدوني أحقق هذا المشروع. ودي أبدا سوبورت قروب ودي أغير. إن شاء الله راح أقدر أنفذ رؤيتي. 

بالنسبة حق أبوي, لا تحاتون أنا بالي طويل راح يتكلم لما يتعب و بعدين راح يرد الهدوء. ما عندي مشكلة مع الهدوء.

4 comments:

NewQ8 Bride said...

للأسف نظرة مجتمعنا ما تتغير ، راح اتكلم من جانب و تجربه انا شفتها و عشتها ، بره الوحده من تنخطب تروح اهيا و خطيبها حق مستشار نفسي في العلاقات الزوجية و خلاص يصير هذا مستشارهم الدائم حق كل مشاكلهم المشكله اهني لو بتقولين بيقولون عنج مينونه و معقده ؟؟ للأسف

الله يوفقج بمشروعج و نصحيتي اذا مو قادرة انج تكملين استشارات نفسية حاولي انج تبحثين و تقرين و تراسلين دكاترة اونلاين

و لا تنسين الصلاة و التوكل على الله

سامحيني قرقت وايد

Slashy said...

They ALL think the same! I will never forget the day when I went to el6eb elnafsi m3a ta7weeli min elmustaw9ef ma dalayt and I happen to have seen some Indian driver i asked him about the directions and this is what he said:

مستشفى مال مجنون؟

Our society is ignorant. The stigma should end right now.

I support you completely!

Anonymous said...

для взросленьких деток [url=http://aftertube.net.ua/tags/%EC%E0%EB%FB%F8%EA%E0/]малышка[/url] Порно онлайн : [url=http://aftertube.net.ua/tags/%EF%E0%EF%EE%E9/]папой[/url]
не для сопляков

Anonymous said...

[url=http://www.magicaudiotools.com/convert-flac-to-mp3]flac to mp3[/url]