Saturday, March 26, 2011

بنت الملتحي ما تستحي :)

من زمان مو كاتبة عربي و احتريت من سلاشي و قررت أكتب عن الإبداع اللي صار اليوم. العنوان مالة شغل بالبوست بس أحب المثل حدا يعبر عن حالتي لووول :p

اليوم قايمة من الصبح (11:30، أي هذا صبحي!) عشان كنا أنا و ميشو بنروح العدان(بيت الزوارة) نزهب حق عيد ميلاد بنت خالتي بتكمل 18. عاد أنا أموت بالعيد ميلادات مثل ما تدرون فدايما أرتز بس يصير أكو تخطيط حق أي نوع من الحفلات.

المهم، رحنا و زهبنا قشنا و تفخنا تفافيخنا و يبنا الكيكة و ما نشوف اللا ولد خالي إييب صحن ويترسا كريمة عشان نقطا على ويها بس تدش الدار. أقولكم صعدناها و غنينا شوية و وصخنا الدنيا كريمة و صورنا و فجأة (دن دن دن) ما تشوف اللا غبرة و حوسة. طبعا إحنا كلنا قاعديين برا انتطمش و المشكلة إنا قاعد ندخل اليهال و الكبار مرتزين برا لووول.

عاد ظلينا برا صورنا و عبطنا على بنت خالتي إنها مسرع ما قبست. طبعا دخلنا و مازال مشروع الضغاط مستمر واحنا كالعادة ماخذينها ضحك و مصخرا. و أحسن شيء بالسالفة إنا الأمهات كانو برا جان شيفكنا من الدرامة!

و مدام السالفة صار فيها حكرا و متجابلين صار ما عندنا شي نسوي اللا إنا نلعب جنجفة و ناكل لأننا كويتيين و هذا اللي فالحيين في :p

و طبعا لازم نأخذ بريك و نصيد على البرودكاستات السخيفة. اللي يقولك مو كل شي ضحك واللي يقولك يوم القيامة وكل من صار نبي على روسنا. و لعبتها تدز برودكاستات طنازة حق اللي حاطين بيرسونال "ما يضحك ذكرو الله". و الله الحقارة وناسة و ما تحلا اللا على العاهات شسوي يعني! يا أخي مادري ليش الناس مأخذا الحياة جد زيادة عن اللزوم؟ يعني والله الضحك مو حرام هونوها و تهون (درر :D).

المهم، الحين وصلت البيت أبي أنام ماني قادرة خشمي مسدود (عبالكم ما راح اتحلطم؟ غلطانييين!!) و أمس اليهال نامو عندي و طبعا وضعي صعب أحس قاعدة بسبة الإدرينالين (حسست روحي إني صج الحين!). باجر خواتي بيونا معا اليهال بعد، الله كرييييم!

2 comments:

Slashy said...

لووووووووووول العنوان قتلني

أقولج بنت الملتحي لحد الحين مناشبتني على البوست لووول

ذي حدها قبسه كله من عيد ميلادها إنعفسنا

يبا كثري من الكتابات بالعربي حدج أوووكي ملينا بس وأحنا إنجليزي

Slashy said...

Update ya shagool! *Look whos talking*